![](https://mentalhelse.no/content/uploads/sites/225/2024/08/Molde-1-scaled.jpg)
Vandring i vakre Molde
Trass i plaskregn i Molde måndags morgon våga vi oss dit. Vi stola meir på vermeldinga enn realiteten. Vi tenkte slik: Romsdalingane vil ta godt mot oss ti frå Sunnmøre og sørge for godver. Så dura vi til Vestnes og tok ferja over fjorden.
Vakker by
Med foten på fast grunn, tok vi fatt på Sjøfronten – strekninga frå ferjekaia til Seilet Hotel. Vi rusla, stogga og studerte det fine området med utsikt til fjorden og fjella på andre sida. Nokre mørke skyer samla seg over Tresfjorden. Men ingen regndropar fall på oss heile dagen vi var i Molde.
![](https://mentalhelse.no/content/uploads/sites/225/2024/08/Molde-2-1024x768.jpg)
![](https://mentalhelse.no/content/uploads/sites/225/2024/08/Molde-4-1024x768.jpg)
![](https://mentalhelse.no/content/uploads/sites/225/2024/08/Molde-5-1024x768.jpg)
![](https://mentalhelse.no/content/uploads/sites/225/2024/08/Molde-3-1024x376.jpg)
Vi nyt turen, somlar vidare. Ser ein stolpe for stolpejaktarar. Ein time etter vi begynte vandringa når vi Seilet hotell. To ivrige Stikk-utarar leitar etter ein post som ikkje svarar. Ser ut til å vere inaktiv om sommaren. Kaffityste set vi kursen mot Kneippen. Møter Stein som vil guide oss vidare.
Vandrar rundt på Romsdalsmuseet. Ser bl.a. på kapellet som vert brukt til kyrkjelege handlingar i vår tid. I dammen sym endene mot oss, dukkar ivrig på leit etter føde på botnen. Spreidd rundt, omlag tjue ender. Oppdagar eit bygg, Holtstua frå Holt i Stordal. Vart litt undrande. Google fortel at det er ei gammal sengebu og ein dendrokronologisk undersøkelse har datert den neste delen av huset til 1588.
![](https://mentalhelse.no/content/uploads/sites/225/2024/08/Molde-6-1024x768.jpg)
Stein guidar oss vidare ned gjennom Reknesparken. Vi passerer Chateauet og St. Carolus, spaserer vidare gjennom fine gater med velstelte hus og fine hagar.
![](https://mentalhelse.no/content/uploads/sites/225/2024/08/Molde-7-1024x846.jpg)
Mange vakre stader også oppe i byen. Imponerande med dei to sylinderforma trea. Litt av eit arbeid å halde dei fine. Ruslar vi vidare til Plassen kulturhus. Også eit praktverk, men diverre feilplassert. Det skulle vore bygd ved fjorden og kome til sin rett der.
![](https://mentalhelse.no/content/uploads/sites/225/2024/08/Molde-8-1024x768.jpg)
Etter ein god og lang middag på Egon måtte vi bryte opp, sette kursen heim att.
Takk til Stein som brukte av tida si og losa oss rundt i byen.
Turen begynte og avslutta med triveleg ferjereise over fjorden.